எருக்கம் பூ சௌந்தர மகாதேவன்

இருக்கும் போது
எருக்கம் பூ கூடத்
தராதவர்கள்
மரித்தபின்
மலர் வளையம்
வைக்க
வருகிறார்கள்
சௌந்தர மகாதேவன்

மீன்

கரையேறும் வரைக்
கடிபடத்தான் வேண்டும் .
அழுக்குகளுக்காக அலையும்
மீன்களிடம் .

சௌந்தர மகாதேவன்
திருநெல்வேலி

நீர்க் குமிழி சௌந்தர மகாதேவன்

அந்த நீர்க் குமிழிக்குக் தெரியும்
நீண்ட வாழ்க்கையில்லை என .
ஆனாலும்
நடுங்காத நம்பிக்கையுடன்
நாலு வினாடிகள் .

சௌந்தர மகாதேவன்
திருநெல்வேலி

அக்கினிக் குஞ்சை

குத்திக் கிழிக்கிற குளிர் நிசியில்
கைகளைக் கக்கத்தில் நுழைத்து
சுய சூடு பெறுகிற சுபராய தாத்தா போல்
சுய சூட்டில்தான் யாவரும்
குளிர்காய வேண்டி இருக்கிறது
இதில் அக்கினிக் குஞ்சை
எங்கே அடை காப்பது ?

சௌந்தர மகாதேவன்
திருநெல்வேலி

நெஞ்சும் பஞ்சும்

நெஞ்சும் பஞ்சும் கனக்கத்தான் செய்கிறது ஈரமாய் இருக்கும் வரை .
சௌந்தர மகாதேவன்
திருநெல்வேலி