முகம்

               

என் முகந்தனிலே
முழுசாய் பல முகத்திரைகள்
சொந்த முகந்தனைச்
சொக்கப்பனைக்
கொளுத்தி விட்டுப்
போலி முகங்களைப்
போர்த்தித் திரிகிறேன்
எவரெவர் முகமோ
என் முகமாய் ஆனது
என் முகமோ
எங்கோ போனது.
             முனைவர்.ச.மகாதேவன்

-மனம்-

                        

ஊதுபத்தியாக நீ 

ஊருக்கு உழைத்தால்

மரணித்த பின்னும்

மணத்தோடு

இருப்பாய்

               

எதிர் இணைகள்

தாஜ் மகாலுக்கு முன்னரும்
தட்டேந்திய சிறுமிகள்
அதிசயங்களும்
அவலங்களும்
அருகருகே
அழுக்கை அழிக்கும் ரப்பர்
அழுக்காயிருப்பதைப் போல....
              - முனைவர். ச. மகாதேவன்  www.mahatamil.com                                                

குற்றாலம்,செய்யது மெட்ரிக் மேல்நிலைப்பள்ளியில் நடைபெற்ற இஸ்லாமிய இலக்கியப் பயிலரங்கில் எழுத்தாளர் திரு.எஸ்.ராமகிருஷ்ணனுடன்  முனைவர். ச. மகாதேவன்,

எல்லாவற்றிலும் முனைவர். ச. மகாதேவன்

       
பியூசான குழல் விளக்கிற்கு
ஒருபடி உப்புத் தந்து
சைக்கிளில் உப்பு வியாபாரம்
செய்துவந்த சந்தைப் பேட்டை
ராசையாவின் பிழைப்பிலும்
பன்னாட்டு உப்பு நிறுவனங்களின்
அயோடின் அலறல் அறிக்கை
மண்ணை அள்ளிப் போட்டது

கீரை விற்கவாவது போகலாமென்று
போனால்
பேரங்காடிகள் அவன் பிழைப்பில்
மண்ணள்ளிப் போட்டான.
பேரங்காடிக் சுவர்களில்
கணினி விலைக் குறியீட்டுடன்தான்
இனி
கீரைகள் விற்கப்பட வேண்டுமாம்.

இவர்கள் புகாத
தொழில் இருந்தால்
சொல்லுங்கள்
அவன்
பட்டினியில் சாவதற்குள்

                        - முனைவர். ச. மகாதேவன்  www.mahatamil.com