Saturday, August 6, 2011
comments (1)
ஒன்றுமற்ற வாழ்வு
கத்தி எடுத்தால் மட்டுமே திறக்கும்
கர்ப்பப்பைகள்.
எந்திரங்கள் இழுத்து நிலையம் சேரும்
ஆனித்தேர்கள்.
கல்யாண வீடுகளில் மாடு தின்றுவிடாமலிருக்க
உரச்சாக்கு சுற்றப்பட்ட வாழைமரங்கள்.
ஊரெங்கும் பெருகி விடாமலிருக்கக்
கருத்தடை செய்யப்பட்ட நாய்கள்
தொட்டிகளில் வளரும்
போன்சாய் ஆலமரங்கள்
இத்தனையும் பார்த்து
பனிக்கட்டி ஏந்திய
பள்ளிச் சிறுவனின்
உள்ளங்கை போல்
ஒன்றுமற்று வாழ்கிறேன்.
- முனைவர். ச. மகாதேவன்
செம்புலச் செய்தி
செம்புலமெல்லாம்
செங்கற் சூளையாயிற்று
பெயல் நீரையெல்லாம்
புட்டியிலடைத்து
விற்றாயிற்று
இதில் இனி…
புட்டியிலடைத்து
விற்றாயிற்று
இதில் இனி…
அன்புடை நெஞ்சமாவது
உறவு கலப்பதாவது!
ஒழுங்கு மரியாதையாக
ஜதாகக்காரன்
பேச்சைக் கேட்டு
அப்பா பார்த்த பெண்ணைக்
கட்டியழு காலம் முழுக்க
- முனைவர். ச. மகாதேவன்